August 29, 2021, Sun, 20:08:49
By जीवन सापकोटा, (SND)
वसन्त प्रशा
वसन्त प्रशा
Share on email
Share on print
Share on telegram
Share on pinterest
Share on facebook
Share on twitter
Share on whatsapp
वसन्त प्रशा
वसन्त प्रशा
By जीवन सापकोटा, (SND)
2021-08-28
वसन्त प्रशा

Shree Navatan Dham (SND)

अखिल भारतीय गोर्खा लीग भारतमा नेपाली मूलका मानिसहरूको एउय ठूलो राजनेतिक दल थियो । डम्बरसिंह गुरुङ यसका संस्थापक हुनुहुन्थ्यो । यही राजनैतिक परिवारमा वि.सं. १९८६ (इ.सं. १९२९ को मई २९) मा नरबहादुर गुरुङकी जेठी छोरीका रूपमा जन्मिनु भएको बसन्त प्रभा गुरुङ, गुरुजीको निकटस्थ शिष्या हुनुहुन्थ्यो । उहाँका विषयमा सी.के. श्रेष्ठले लेख्नु भएको छ- गुरुजीबाट प्रणामी धर्ममा दीक्षित भइ उहाँकै पदक्षेप अनुशरण गर्दै कालिम्पोङ्गका सम्भ्रान्त गुरुङ्ग परिवारका दुई महिलाहरूले गृहत्याग गरेका थिए । एक थिइन्‌ गोर्खा जातिका सर्वमान्य नेता स्व. डम्बरसिंह गुरुङकी धर्मपली प्रभावतीबाई, जो पछि माताजीको नामले सुपरिचित भइन्‌ । अर्की थिइन्‌ गोर्खा लीगका नेता नरबहादुर गुरुङको सुपुत्री वसन्त प्रभा । भरभराउँदो युवा अवस्थामा केश मुडेर सेतो वस्त्र धारण गरी गृह त्याग गर्ने ती दुई तपस्वीलाई प्रणामी धर्मको पारिव्राजिकाहरूको दर्जामा राख्न सकिन्छ ।

गुरुजीद्वारा संस्थापित प्रणामी बालिका विद्या मन्दिरमा लामो समयसम्म प्रधानाध्यापिका र आध्यात्मिक शिक्षिकाका रूपमा उहाँले सेवा गर्नुभयो । विद्या मन्दिरमा नैतिक शिक्षाका रूपमा गीता लगायत धार्मिक शिक्षाको उहाँ एकमात्र शिक्षिका हुनुहुन्थ्यो । त्यस विद्यामन्दिरबाट अध्ययन गरेका विभिन्न छात्राहरू आज श्रीकृष्ण प्रणामी धर्मका सामान्य अनुयायी मात्र नभएर प्रचारिकाका रूपमा पनि काम गरिरहेका छन्‌। उहाँले सयौं छात्राहरूलाई श्रीकृष्ण प्रणामी धर्म र अध्यात्मको साँचो ज्ञान दिनु भएको छ।

उहाँले तारतम वाणीको सिन्धी ग्रन्थको नेपाली अनुवाद गर्नु भएको छ । उहाँका रचनाहरूमा धर्म प्रकाश र सप्त पुरुष मुख्य हुन्‌ । उहाँले गुरुजीका निकट शिष्यहरूको सामान्य परिचय दिने मंगल परिवार नामक पुस्तकको संयोजन गर्नु भएको छ । प्रणामी परीक्षा परिषद्‌ संचालन गरी प्रणामी समाजमा धार्मिक अध्ययनको परीपाटी बसाल्ने वसन्त प्रभाले धर्मको सामान्य ज्ञान र भजनावली संग्रह तयार गर्नु भएको छ। गुरुजीबाट वाणी, विराट बीतक र वृत्त (चर्चनी) को प्रशिक्षण पाउनु भएको वसन्त प्रभा, पारसमणि प्रधानका जेठा छोरा रुद्र्मणि प्रधान र उहाँकी धर्मपलीलाई प्रणामी धर्ममा जागृत गर्न सकेकोमा गौरव गर्नुहुन्छ।वसन्त प्रभाले वि.सं. २०६१ मा (इ.सं. २००४ को अप्रिल २ तारेखमा) नश्वर शरीर त्याग गर्नुभयो । उहाँले संसार छोडेको थाहा पाएर विमला मेहताले लेख्नु भएको छ- वसन्त प्रभाले शरीर छोडेको सूचनाले हृदयमा पीडा भयो । गुरुजीको हातले लगाएको एउय वृक्ष आफ्नो कार्यकाल पूरा गरेर गयो । अनमोल, व्यस्त, कुशल, व्यवहारिक जीवन बाँचेर वसन्त प्रभाले आफ्नो जन्म र जीवनलाई सार्थक गर्नुभयो । गुरुजीका प्रत्येक काममा – स्कूलको सञ्चालन, बच्चाको पालन र उनीहरूलाई संस्कारित गर्ने आदि शुभ कार्यमा सहयोग गर्ने जस्तो जीवन बाँच्न सौभाग्यप्राप्त गर्नु भयो । जसमाथि गुरुको वरदहस्त रहन्छ, परमब्रहमको कृपा उनीहरूले प्राप्त गर्दछन्‌ । ती व्यक्तिहरू शोकको होइन धन्यवादको पात्र हुन्छन्‌ । उपयोगी जीवन बाँचेर श्री राजजीको चरणमा गएर बस्न पाउनु भन्दा ठूलो र सुखदायी कुरा अरू के हुन सक्दछ ?
Enable Notifications    Subscribe No thanks