August 29, 2021, Sun, 35:08:46
By सुश्री मालती ओझा, काठमाडौं, (SND)
पं. श्रीकृष्णमणिं दाहाल
पं. श्रीकृष्णमणिं दाहाल
Share on email
Share on print
Share on telegram
Share on pinterest
Share on facebook
Share on twitter
Share on whatsapp
पं. श्रीकृष्णमणिं दाहाल
पं. श्रीकृष्णमणिं दाहाल
By सुश्री मालती ओझा, काठमाडौं, (SND)
2021-08-28
पं. श्रीकृष्णमणिं दाहाल

Shree Navatan Dham (SND)

पं. श्रीकृष्णमणि दाहालको जन्म इलाम जिल्लामा भएको थियो ।
पं. श्रीकृष्णमणि दाहालको जन्म वि.सं. १९९१ सालमा नेपालको इलाम जिल्लामा भएको थियो| ं उहाँले वाल्यावस्थादेखि नै राम्रो पारिवारिक संस्कार पाउनुभएको थियो । कृष्णमणिजीका मामा, आचार्य श्री १०० धर्मदासजी महाराज हुनुहुन्थ्यो । दाहालजीलाई आध्यात्मिक खोजीको प्रेरणा पनि मावली परिवारबाट नै मिलेको हुनुपर्छ ।

इलाममा जन्मेका कृ्‌ष्णमणिजीको वाल्यावस्था भारतको आसाममा व्यतीत भएको थियो। किनभने, उहाँका मातापिता इलामबाट आसाममा बसाइँ जानुभएको थियो । कृष्णमणि दाहालजीले आफ्नै मामा आचार्य श्री धर्मदासजी महाराजबाट वाल्यकालमा नै तारतम मन्त्र ग्रहण गर्नुभएको थियो । जब दाहालजी युवावस्थामा प्रवेश गर्नुभयो, उहाँलाई आध्यात्मिक तत्वको बारेमा जिज्ञासा बढ्दै गयो । फलस्वरूप उहाँले गुजरातको जामनगरस्थित श्री ५ नवतनपुरी धाममा रहेर औपचारिक रूपमा आध्यात्मिक ज्ञान हासिल गर्न प्रारम्भ गर्नुभयो । नवतनपुरी धाममा आचार्यश्रीको साथमा रहेर सेवापूजा, बीतक, विराट, चर्चनी र तारतम वाणीको राम्रो अध्ययन गर्नुभयो । साथै उहाँले शास्त्र, संगीत र नाट्यकला सम्बन्धी अनुभव पनि जामनगरमा नै रहेर लिनुभयो । यसरी जामनगरमा चौतर्फी ज्ञान हासिल गरी दाहालजी धर्मप्रचारमा निस्कनुभयो । उहाँले सर्वप्रथम आफ्नो क्षेत्र आसाममा धर्मप्रचार गर्नुभयो ।

केही समय आसाममा धर्मप्रचार गरी कृष्णमणिजी आफ्नो परिवार सहित नेपालको चितवन जिल्ला अन्तर्गत पर्सौनीमा बसाइँ सरेर आउनुभयो । त्यसपछि उहाँको धर्मप्रचारको क्रम नेपालमा नै विस्तार हुँदै छ आयो । चितवनमा धर्मप्रचार तथा जागृति कार्यक्रम पश्चात्‌ कृष्णमणिजी रौतहटको नजरपुर जानुभयो । श्रीकृष्णप्रणामी मन्दिर नजरपुर २०३२ सालमा केन्द्रको शाखाको रूपमा दर्ता भएको थियो । श्रीकृष्णमणि ब्‌ दाहालले यस मन्दिरको सञ्चालक समितिको अध्यक्ष पदमा रहेर श्रीकृष्ण प्रणामी सेवा समिति नेपाल हँ अन्तर्गतको पदीय जिम्मेवारी बहन गर्नुभएको थियो ।

यसै क्रममा नजरपुरबाट समितिको आव्हान अनुसार श्रीकृष्ण प्रणामी मन्दिर डिल्लीबजार काठमाडौं आउनुभयो । डिल्लीबजार मन्दिरमा रहेर केही समयसम्म काठमाडौँ आसपासका विभिन्न क्षेत्र धर्मप्रचारगर्नुभयो । यसैगरी काठमाडौंको पुल्चोक मन्दिरमा रहेर धर्मप्रचारको साथै मुठीदान, आर्थिक संकलन आदि कार्यहरूमा सक्रिय संलग्नता जनाउनुभयो ।

अन्त्यमा, काठमाडौंबाट बारा जिल्लाको सिमरामा गई श्रीकृष्ण प्रणामी मन्दिर सञ्चालन गर्नुभयो । कृष्णमणिजीले सिमरामा धेरै व्यक्तिहरूको जागृति समेत गराउनुभयो र वि.सं. २०५१ चैत्र शुक्ल चौथीका दिन आफ्नो इहलीला समाप्त गरी धाम तर्फ प्रस्थान गर्नुभयो ।

कृष्णमणिजी गृहस्थ सन्त हुनुहुन्थ्यो । उहाँकी धर्मपत्नी जानुका दाहाल श्रीकृष्ण प्रणामी धर्ममा दीक्षित हुनुहुन्छ। उहाँका ३ छोरार २ छोरीहरू छन्‌ । जसमध्ये कान्छा छोरा चेतनमणि दाहालजीले हाल युवासन्तको रूपमा धर्मप्रचार गर्दै आएका छन्‌ ।
Enable Notifications    Subscribe No thanks