August 29, 2021, Sun, 52:08:10
By पं. हेमप्रसाद दाहाल, (SND)
बाबाजी छविंलदास
बाबाजी छविंलदास
Share on email
Share on print
Share on telegram
Share on pinterest
Share on facebook
Share on twitter
Share on whatsapp
बाबाजी छविंलदास
बाबाजी छविंलदास
By पं. हेमप्रसाद दाहाल, (SND)
2021-08-28
बाबाजी छविंलदास

Shree Navatan Dham (SND)

बाबाजी छविंलदासको जन्म काभ्रे जिल्लामा भएको थियो ।
छविलदास बाबाजीको जन्म काभ्रे जिल्ला, भुगदेवको अधिकारी परिवारमा वि.सं. १९५०/५१ तिर भएको थियो । उहाँका पिताजीले उहाँको वाल्यवस्थामै श्री ५ पद्यावतीपुरी धाममा उहाँलाई लिएर जानु भएको बुझिन्छ । के कति कारणले उहाँका पिताजीले बालक छोरो मात्र साथमा लिएर गृहत्याग गर्नु भयो सो स्पष्ट भएको छैन । पद्मावती पुरी धाम पन्नामा पुगे पछि त्यहाँ परमहंस दयालदास महाराजको सानिध्यमा उहाँको पालन पोषण भयो । उमेर बढ्दै गए पछि उहाँले दयालदास महाराजबाट तारतम सागर, बीतक, चर्चनी र विराटको शिक्षा पाउनु भयो। दीक्षा पनि दयालदास महाराजबाटै पाउनु भयो । प्रणामी धर्म सिद्धान बुझेपछि आफ्ना गुरु भाइ आचार्य श्री १०५ धर्मदास महाराजलाई भेट्न उहाँ वि.सं. १९०० तिर श्री ५ नवतनपुरीधाम जानु भयो । त्यस समयदेखि उहाँ नवतनपुरीमै भजन, कीर्तन, प्रशिक्षण आदि कार्यमा व्यस्त हुनुभयो । उहाँका सहपाठीमा युगलदास महाराज, पं. कमल प्रसाद शर्मा आदि हुनुहुन्थ्यो ।

बाबा छविलदासजी तारतम सागर, बीतक आदि प्रणामी ग्रन्थका प्रकाण्ड विद्वान्‌ हुनुहुन्थ्यो । वृद्धावस्थामा पुगेका उहाँलाई डिल्लीबजार कृष्ण प्रणामी मन्दिरमा पुजारी बनेर रहेका माणिकदास प्रणामीले वि.सं. २०२४ तिर नेपालमा ल्याउनु भयो । उहाँले काठमाडौँमा बसेर नेपाली सुन्दरसाथलाई वाणी वचनहरू सुनाउनु भयो । नवतनपुरीमा रहँदा उहाँले हेमप्रसाद दाहाललाई चर्चनी सम्बन्धी युगलदास महाराजको बडी वृत्तिको ज्ञान दिनुभयो । साथै परिक्रमा, सागर, सिनगार आदि ग्रन्थबाट नक्शा बमोजिम ज्ञान प्रदान गर्नु भयो । उहाँले प्रदान गर्नुभएको शिक्षालाई पं.हेमप्रसादजीले आजसम्म अनवरत रूपमा अन्य जिज्ञमु व्यक्तिलाई सिकाउँदै आउनु भएको छ । उहाँको सादा जीवन थियो । जीवनको लामो समय भारतमै बिताउनु भएका छविलदास बाबाजीले बाँकी जीवन भारतमै बिताउने इच्छा व्यक्त गर्नुभयो । तसर्थ उहाँलाई पुनः भारतको श्री ५ नवतनपुरी धाममै पुन्याइयो । उहाँको हेरचाह र सेवा गर्नको लागि आचार्य कृष्णमणि महाराजका हजुरी पं. भरतमणि सुवेदीलाई अह्राइयो । आखिरमा उहाँले आफ्नो संसारी लीला समाप्त गरी वि.सं. २०५२ तिर एक सय वर्षको उमेर पार गरी परम धाम तर्फ प्रस्थान गर्नुभयो ।
Enable Notifications    Subscribe No thanks