August 6, 2021, Fri, 09:08:01
By श्याममाया बादे, वनेपा, (SND)
दानवीर श्रीरामदास श्रेष्ठ
दानवीर श्रीरामदास श्रेष्ठ
Share on email
Share on print
Share on telegram
Share on pinterest
Share on facebook
Share on twitter
Share on whatsapp
दानवीर श्रीरामदास श्रेष्ठ
By श्याममाया बादे, वनेपा, (SND)
2021-08-06
दानवीर श्रीरामदास श्रेष्ठ

Shree Navatan Dham (SND)

नरदेवीका भवानीदास श्रेष्ठ र किलागलका रामदास श्रेष्ठ सहोदर दाजुभाइ थिए । दुवै दाजुभाइ धर्मपरायण र उदार दिलका थिए। सुरुमा दुवैको आर्थिक अवस्था राम्रो थिएन। उनीहरू सानोतिनो व्यापार गरेर गुजारा गर्दथे । पछि परमात्माको अनुग्रह हुँदा उनीहरू दुवै जना धनाढ्य भए । भनिन्छ रामदास श्रेष्ठले सानो तिनो व्यापार गरिरहेको ठाउँमा एक दिन अकस्मात्‌ एउटा महात्माको आगमन भयो । ती महात्माले रामदासलाई “व्यापार गर्दै गर, यसबाट तिम्रो भविष्य राम्रो हुनेछ भनेर गए । नभन्दै रामदासको व्यापार बढ्दै गयो र उनी आर्थिक रूपले सम्पन्न भए ।

वि.सं. १८८० तिर जन्मेका रामदासजीले प्रणामी धर्ममा दीक्षित भएपछि आफ्नो दाजु भवानीदासले जस्तै श्रीकृष्ण प्रणामी मन्दिर किलागलमा स्थापना गरे । पहाड तिरको एकसय रोपनी जमिन मन्दिर सञ्चालनार्थ गुठी राखी दिए । मन्दिरको पूजा निरन्तर रूपमा चलोस्‌, कसैले मासेर खान नपावस भनेर शिलापत्र राखे । रामदासका तीन वटी श्रीमती थिए । जेठी श्रीमतीबाट चरणदास र निर्मलदासको जन्म भयो । माहिलीबाट एउटी छोरी मात्र जन्मिइन्‌ । कान्छी श्रीमतीबाट छोरो गोकुलदासको जन्म भयो । गोकुलदासकीो छोरी प्रेमकुमारीको छोरो कर्णबहादुर भए । रामदासकीो नातिनी प्रेमकुमारीको छोरो कर्णबहादुर र निजको श्रीमती विद्याले उक्त कृष्ण प्रणामी मन्दिरको पूजा चलाइ आउनुभएको छ।

रामदास श्रेष्ठको किलागल मन्दिर र भवानीदासको नरदेवी मन्दिरमा प्रणामी साधु सन्तहरूको आगमन भइरहन्थ्यो । सन्त महात्माहरूको आगमन र उहाँहरूको प्रवचनले धेरै मानिसको आत्म कल्याण भएको थियो । ती दुवै मन्दिरमा प्रतिदिन सेवापूजा, भजन, कीर्तन, अध्ययन, अध्यापनका कार्य अनवरत रूपमा चल्दथे। काठमाडौँ उपत्यका र दूरस्थ पूर्वी तथा पश्चिमी पहाडी क्षेत्रबाट काम विशेषले काठमाडौं आउने सुन्दरसाथको अस्थायी वासस्थान पनि यिनै दुई मन्दिर थिए । यी दुई मन्दिरलाई काठमाडौँ उपत्यकाका सबभन्दा पुराना मन्दिर भन्नु अत्युक्ति नहोला । वि.सं. १९०२ मा रामदास श्रेष्ठले राखेको शिलालेखबाट किलागलको मन्दिर आजभन्दा १६८ वर्ष पुरानो देखिन आउँछ । नरदेवीको कृष्ण प्रणामी मन्दिर पनि संभवतः यत्ति नै पुरानो हो ।

रामदास श्रेष्ठ यत्ति धर्मनिष्ठ थिए कि साधु सन्त एवं महात्माहरूलाई प्रतिदिन भोजन नगराइ आफू खाँदैनथे । भनिन्छ एकदिन किलागल मन्दिरमा कुनै साधु, सन्तको आगमन भएन । साधु, सन्तलाई खुवाएर मात्र खाने नियममा बसेका रामदास दिनभर भोकै परे। बेलुकी पख दाजु भवानीदास कहाँ नरदेवी येलमा जाँदा त्यहाँ साधु सन्तको ठूलै जमघट रहेछ । रामदासको समस्या दाजु भवानी दासले बुझेर दुई तीनजना सन्त महात्मालाई किलागलको मन्दिरमा पठाइ दिएछन्‌ । ती सन्तजनलाई तृप्त गराएपछि मात्र रामदासले आफ्नो व्रत तोडे भन्ने कुरा उहाँका परिवारजनले सुनाउँछन्‌ ।

यसरी दानवीर रामदास श्रेष्ठद्वारा स्थापित किलागलको मन्दिरले डेढसय वर्ष भन्दा बढी समयसम्म काठमाडौं उपत्यका र आसपासका पहाडी क्षेत्रमा श्रीकृष्ण प्रणामी धर्म प्रचारमा महत्वपूर्ण योगदान गरेको देखिन्छ।
Enable Notifications    Subscribe No thanks