August 8, 2021, Sun, 19:08:48
By पं. हेमप्रसाद दाहाल, काठमाडौँ, (SND)
आचार्य श्री १0८ रंगीलदास महाराज
आचार्य श्री १0८ रंगीलदास महाराज
Share on email
Share on print
Share on telegram
Share on pinterest
Share on facebook
Share on twitter
Share on whatsapp
आचार्य श्री १0८ रंगीलदास महाराज
आचार्य श्री १0८ रंगीलदास महाराज
By पं. हेमप्रसाद दाहाल, काठमाडौँ, (SND)
2021-08-07

Shree Navatan Dham (SND)

श्रीकृष्ण प्रणामी धर्मको प्रचार एवं आद्य पीठहरूको सम्बर्धन र विकासमा नेपाली सन्तहरूको अतुलनीय योगदान रही आएको छ। माताजी सेनबाईले सतनामा निर्माण गर्नुभएको श्रीकृष्ण प्रणामी मन्दिर, परमहंस युगलदासजीले २५ पक्ष परमधामको तैयार गरेको काठको खडा नक्शा र बंगलाजीमा चढाएका दुईवय चाँदीका सिंहासन, आचार्यवर श्री पीताम्बरदासजीले आसाममा बनाउनु भएको प्रणामी मन्दिर एवं रंगीलदास महाराजले वि.सं. १९०३ मा गुमटजीमा बनाएको चाँदीको मूलद्वार र काठमाडौँका भवानी साहुले बंगलाजीमा हालेको तामाको छाना केही यस्ता उदाहरण हुन्‌ जसमा नेपाली सन्तहरूको योगदान भएको देख्न सकिन्छ ।

वि.सं. १९०९ मा ताप्लेजुङमा जन्मिनु भएका रंगीलदासजी घर छोडेर भारतका नवतनपुरी, पद्यावतीपुरी र महामंगलपुरी पुग्नु हुन्छ । त्यहाँ उहाँले सर्वप्रथम त वाणी, बीतक आदि ग्रन्थको तालिम लिनुहुन्छ। तालिम पूरा भएपछि रंगीलदासजी पारायण, प्रवचन आदिको माध्यमबाट भारतमा धर्म प्रचारमा लाग्नु हुन्छ । नेपालमा राणा शासनको सुरुवातसँगै जन्मिनु भएका सन्तको लागि धर्म प्रचारको वातावरण शून्य प्रायः थियो । त्यसैले धेरै जसो नेपाली मूलका सन्तको कार्यथलो भारत नै हुनगयो । नेपाली मायेमा संघर्ष नै गरेर धर्म प्रचार गर्नेमा परमहंस दयालदास महाराज नै देखा पर्नु हुन्छ । त्यसपछि उहाँकै चेला युगलदासले नेपालमा श्रीकृष्ण प्रणामी धर्मको प्रचार गर्ने प्रयतल गर्नुभएको देखिन्छ ।

रंगीलदासजीले श्री पीताम्बरदास महाराजबाट दीक्षा मन्त्र पाउनुभएको थियो । पछि उहाँ सूरतको श्री ५ महामंगलपुरी धामको गादीपति बन्नुभयो । वि.सं. १९७९ मा उहाँले गादीपतिको कार्यभार सम्हाल्नुभयो । वि.सं. १९८३ मा रंगीलदासजीले पद्मावतीपुरी धामको गुमटजीमा चाँदीको मूलद्वारको निर्माण गराउनुभयो । यसरी आध्यात्मिक एवं भौतिक दुवै क्षेत्रमा महत्वपूर्ण योगदान दिँदै वि.सं. १९८९ मा उहाँ पार्थिव शरीर त्यागेर ब्रह्यधाम तर्फ लाग्नुभयो ।
Enable Notifications    Subscribe No thanks