August 28, 2021, Sat, 58:08:34
By हरिप्रसाद बजगाँई , काभ्रे, (SND)
पं. श्रीकृष्ण प्रसाद सापकोटा (जुरैली पण्डित)
पं. श्रीकृष्ण प्रसाद सापकोटा (जुरैली पण्डित)
Share on email
Share on print
Share on telegram
Share on pinterest
Share on facebook
Share on twitter
Share on whatsapp
पं. श्रीकृष्ण प्रसाद सापकोटा (जुरैली पण्डित)
पं. श्रीकृष्ण प्रसाद सापकोटा (जुरैली पण्डित)
By हरिप्रसाद बजगाँई , काभ्रे, (SND)
2021-08-28
पं. श्रीकृष्ण प्रसाद सापकोटा (जुरैली पण्डित)

Shree Navatan Dham (SND)

पं. श्रीकृष्ण प्रसाद सापकोटाको जन्म काभ्रे जिल्लामा भएको थियो ।
श्रीकृष्ण प्रणामी मन्दिर होक्सेका संस्थापक श्री प्रेमदास महाराज पछाडि काभ्रेमा विद्वान्‌ पं. श्रीकृष्णप्रसाद सापकोय हुनुभयो । उहाँ प्रणामी धर्मको विस्तार र प्रवर्द्धन गर्ने श्रीकृष्ण प्रणामी मन्दिर होक्सेका प्रमुख संरक्षक हुनुहुन्थ्यो । उहाँको जन्म काभ्रेको होक्सेभन्दा दक्षिण पश्चिम दिशातर्फ पर्ने बल्थली भन्ने ठाउँमा भएको थियो ।

सानैमा धर्ममा दीक्षित भएर अध्ययनको निमित्त उहाँ भारतको जामनगर जानुभयो । जामनगरमा २-४ वर्ष वाणीको अध्ययन गरेपछि उहाँमा दर्शन शास्त्रपट्टि मन गएछ । वैदिक सनातनमा षटदर्शन अन्तर्गतको महर्षी गौतमको न्याय दर्शनको अध्ययन गर्न थाल्नु भएछ। २० वर्षको अध्ययनबाट वाणी र न्याय दर्शन सम्बन्धी ज्ञान हाशिल गरी उहाँ नेपाल फर्किनु भयो ।

त्यतिखेर प्रणामी मन्दिर होक्सेमा पूजारी पण्डितको अभाव भएकाले त्यहाँका सुन्दरसाथले उहाँलाई पण्डित/पूजारीका रूपमा नियुक्त गरे । त्यसमन्दिरमा उहाँले बसेर त्यस गाउँका बालबालिका र बृद्धबृद्धालाई परमधामको दिव्य खजाना बाड्नु भयो । उहाँका शिष्य मेची महाकाली जताततै छरिएका छन्‌ । उहाँले जीवन पर्यन्त धर्म प्रचारलाई ठूलो महत्व दिनुभयो । यो जगत मिथ्या हो, परमात्मा मात्र साँचो हो, कृष्ण मन्त्र मात्र मोक्षको साधन हो भन्ने सन्देश जीवनभर प्रचार गर्नुभयो ।

होक्से प्रणामी मन्दिर करिव १ दशक जति ठूलो संक्रमणबाट गुज्रेको थियो । त्यस्तो संकटकालीन अवस्थामा उहाँले त्यहाँका स्थानीय सुन्दरसाथलाई हातमा लिइ दिलो ज्यानले मन्दिरको संरक्षण गर्नुभयो ।

वि.सं. २०१५ सालमा होक्से श्रीकृष्ण प्रणामी मन्दिरमा पूजारीको रूपमा नियुक्त भइ २०४५ सम्म उहाँले मन्दिरको चल/अचल भौतिक सम्पत्तिको संरक्षण र विस्तारमा ठूलो योगदान पुन्याउनु भयो । उहाँको धाम गमनपछि पनि उहाँ प्रणामी र सम्पूर्ण वैदिक सनातनी जगत्मा चम्किलो तारा झैं चम्किरहनु भएको छ।

ठूला-ठूला धर्म सभामा गएर निर्धक्क र निडर भएर आफ्ना भनाइहरू सारगर्वित ढंगले राख्न सक्ने उहाँको प्रमुख विशेषता थियो । गहुँ गोरो वर्ण, तेजयुक्त मुखमण्डल, लामो कद यस्तै उहाँको शारीरिक बनावट थियो।

धर्म प्रचारकै शिलशिलामा गोर्खाको आँवु खैरेनीमा ७ दिने पारायण गरी कार्यक्रम सकेर काठमाडौं फर्कने क्रममा काठमाडौं सुन्धारामा आइपुग्दा उहाँ एकाएक ब्रह्यलीन हुनुभयो । त्यो वि.सं. २०४५ पौष २३ गते कृष्ण चर्तुदशीको दिन थियो । उहाँको धामगमन पश्चात्‌ प्रणामी मन्दिर होक्सेले आजसम्म उहाँजस्तो विद्वान सन्त पाउन सकेको छैन ।
Enable Notifications    Subscribe No thanks