August 29, 2021, Sun, 35:08:55
By राधा श्रेष्ठ, ललितपुर, (SND)
रुक्मिणी दुवाल श्रेष्ठ
रुक्मिणी दुवाल श्रेष्ठ
Share on email
Share on print
Share on telegram
Share on pinterest
Share on facebook
Share on twitter
Share on whatsapp
रुक्मिणी दुवाल श्रेष्ठ
रुक्मिणी दुवाल श्रेष्ठ
By राधा श्रेष्ठ, ललितपुर, (SND)
2021-08-28
रुक्मिणी दुवाल श्रेष्ठ

Shree Navatan Dham (SND)

रुक्मिणी श्रेष्ठको जन्म ललितपुरमा भएको थियो ।
रुक्मिणी श्रेष्ठको जन्म वि.सं. १९७७ साल मंसिर १४ गत ललितपुरमा भएको थियो । उहाँको विवाह इन्द्रबहादुर दुवाल श्रेष्ठसँग भयो र उहाँ पनि दुवाल श्रेष्ठ बन्नुभयो । उहाँले पाटन मंगलबजारको आर्दश कन्या निकेतनमा करिव ३ वर्ष शिक्षिका भएर काम गर्नुभयो विवाह पश्चात्‌ उहाँ आफ्ना माता पिताले दाइजो स्वरूप दिनुभएको पुल्चोकको घरमा बस्न थाल्नुभयो । आफ्ना पति इन्द्रबहादुरको घर पाङ्गामा भएको र पाङ्गादेखि काठमाडौँसम्म जागिरमा धाउन गार्हो हुँदा दाइजो पाएको घरमा पति पत्नी रहन थाल्नुभयो । उहाँमा सानैदेखि भजन, कोर्तन र पूजा पाठमा विशेष अभिरुचि थियो । इन्द्रबहादुरको संगतमा परेपछि त्यो अभिरुचि झन्‌ बढेर गयो । वि.सं. २०१५|१६ तिर लगनखेलका लप्टन पदमबहादुर खड्काकी श्रीमती जमुनाबाईबाट उहाँले तारतम मन्त्रको दीक्षा लिनुभयो।

श्रीकृष्ण प्रणामी धर्ममा दीक्षित भएपछि यो धर्म विषयमा बढी जानकारी गर्ने इच्छा उहाँमा जागृत भयो । प्रणामी धर्मका विद्वान्‌ व्यक्तिहरूसँगको भेटघाट बढाउनुभयो । यस्तैमा महात्मा युगलदासको नाम उहाँले सुन्नुभयो र सपरिवार युगलदासजीको संगतमा रहनुभयो । तिनताका युगलदास महाराजलाई डिल्लीबजार मन्दिरबाट आफ्नो पुल्चोकको घरमा ल्याएर राख्नुभयो । यो वि.सं. २०२२ साल तिरको कुरो थियो । दुबै पति पत्नी मिलेर युगलदास महाराजजीको सेवा गर्नुभयो । युगलदासजी पुल्चोकको घरमा सरेपछि त्यहाँको वातावरण नै फेरियो । त्यहाँ भक्तजनहरूको ओइरो लाग्न थाल्यो । महाराजजीसँग तारतम वाणीको तालिम लिन आउनेदेखि, सत्संग र भजन, कीर्तन गर्नेको प्रतिदिन भीड लाग्दथ्यो । रुकिमिणीले अति प्रेमपूर्वक ती आगन्तुक भक्तजनको यथाशक्य सत्कार गर्नुभयो । साथै उहाँले पनि महाराजजीबाट तारतम सागर, बीतक आदि ग्रन्थको एकसरो तालिम लिनुभयो ।

युगलदास महाराजजीले उहाँलाई रहँदा बस्दा निजनाम मन्त्र सुनाउने अधिकार दिनुभयो । रुक्मिणीजीले बुङ्मती, सुनाकोठी, हरिसिद्धि आदि स्थानका नेवार समुदायका चानचुन एकसय जनालाई तारतम मन्त्र प्रदान गर्नुभयो । त्यसपछि उहाँ रुक्मिणीबाट सबैकी प्यारी रुविमणी आमा बन्नुभयो । उहाँकीसहोदर बहिनी म राधा श्रेष्ठ पनि पुलचोककै घरमा दिदीसँगै बस्दथे र उहाँका प्रत्येक काममा उहाँलाई सघाउँथेँ ।

महाराज युगलदासजी पुलचोक आएपछि निजानन्द आश्रम बनाउने करा चल्यो । त्यसको लागि जग्गाको आवश्यकता पन्यो। पुल्चोक खड्ग जोगिनी परिसरको थुम्कोको एक रोपनी पर्ती जग्गा आश्रम निर्माणको लागि प्राप्त गर्न दिदी रुक्मिणीजी र सहृदयी सुब्बा श्री गजेन्द्रबहादुर अमात्यले अथक परिश्रम गर्नुभयो । आखिर ललितपुर नगर पञ्चायतबाट त्यो पर्ती जग्गा आश्रम निर्माण खातिर प्राप्त भयो । त्यस जग्गामा आश्रम निर्माणको शिलान्यास वि.सं. २०२९ सालमा भयो र लगत्तै निर्माणको काम पनि सुरु ं भयो । वि.सं. २०३९ मा आश्रम निर्माणको काम पूरा भयो र महाराजजीहरूको हातबाट समुद्घाटन पनि भयो । आश्रम निर्माणको काममा र चन्दा संकलन गर्ने काममा रुविमणीजीले ठूलो योगदान गर्नुभयो ।

रुक्मिणीजीले म बहिनी राधा र सुब्बा गजेन्द्रबहादुरलाई सम्मिलित गराइ महाराज युगलदासजीको संक्षिप्त जीवनी पनि छापेर प्रकाशनमा ल्याउनु भएको छ । रुक्मिणीजीले महाराज युगलदासको सेवा उहाँको अन्तिम कालसम्म नै गर्नुभयो । निजानन्द आश्रम निर्माणमा उहाँको ठूलो योगदान रह्यो । यसरी जीवनभर सादा भेषमा रहेर सबै भक्तजन र विशेष गरी सन्त महात्माको सेवामा दिनरात खटेर, धर्म प्रचारमा सक्रिय रही रुक्मिणीले वि.सं. २०६० भाद्र शुक्ल तृतियाको दिनमा आफ्नो इहलीलाको संवरण गर्नुभयो । उहाँको पार्थिव शरीरलाई शंखमूलमा पति इन्द्रबहादुरको अस्तु सहित समाधिस्थ गरियो ।
Enable Notifications    Subscribe No thanks