August 29, 2021, Sun, 38:08:33
By लीलाप्रसाद सापकोटा, झापा, (SND)
शास्त्रार्थ महारथी पं. हिमकर शास्त्री
शास्त्रार्थ महारथी पं. हिमकर शास्त्री
Share on email
Share on print
Share on telegram
Share on pinterest
Share on facebook
Share on twitter
Share on whatsapp
शास्त्रार्थ महारथी पं. हिमकर शास्त्री
शास्त्रार्थ महारथी पं. हिमकर शास्त्री
By लीलाप्रसाद सापकोटा, झापा, (SND)
2021-08-28
शास्त्रार्थ महारथी पं. हिमकर शास्त्री

Shree Navatan Dham (SND)

पं. हिमकर शास्त्रीको जन्म ठेकाबुङ्ग, पूर्व सिक्किममा वि.सं. १९८१वैशाख१ गते भएकोथियो। उहाँकोपिताकोनामचन्द्रदाससापकोटा र माताको नाम कौशिला सापकोटा थियो । उहाँले संस्कृतमा शास्त्री (स्नातक) सम्मको अध्ययन गर्नु भएको थियो। उहाँ एल.डी. काजीसँग सम्मिलित भइ सिक्किमको स्वतन्त्रताको लागि जन आन्दोलनमा सक्रिय रहनुभयो । हिमकर शास्त्री सिक्किम स्टेट काँग्रेसका प्रमुख सदस्य हुनुहुन्थ्यो । उहाँ वि.सं २००७ देखि २०१५ सम्म त्यस पदमा रहनुभयो । त्यो अवधि उहाँको राजनैतिक जीवनको एक काल खण्ड थियो । संस्कृतका विद्वान्‌ भएता पनि उहाँको आध्यात्मिक जीवन राजनैतिक अनुभव बटुलेपछि सुरु भएको बुझिन्छ।

आध्यात्मिक जीवनको सुरुवात गुरुजी मङ्गलदाससँगको निर्देशन पछि मात्र हुन्छ। उहाँमा आध्यात्मिक झुकाव त छँदै थियो । त्यो झुकाव र प्रवृत्तिलाई गुरुजीले उजागर गरी दिनुभयो । गुरुजीकै आज्ञा शिरोपर गरी हिमकरजीले राजनीतिबाट मुख मोड्नुभयो । आध्यात्मिक ज्ञानको प्रचारमा उहाँले आफूलाई समर्पित गर्नुभयो । श्रीकृष्ण प्रणामी धर्म सिद्धान्तलाई जनजनमा पुच्याउने काममा उहाँ लाग्नुभयो । संस्कृत भाषाको ज्ञान यथेष्ट हुँदा महामति प्राणनाथ प्रणीत तारतम सागरका दार्शनिक पक्षलाई प्रकाशमा पार्ने काममा उहाँले विशिष्ठता हासिल गर्नुभयो । श्रीमद्भागवत, गीता, वेद, पुराण र अन्य धर्मशास्त्रबाट प्रमाणहरू बटुलेर तारतम सागरको दार्शनिक पक्षलाई पुट दिन उहाँ अग्रसर हुनुहुन्थ्यो । कहीँ कतै सिद्धान्त दर्शनमा वाद विवाद हुँदा त्यसको समाधान गर्न पं. हिमकरजी नै अग्रसर हुनुहुन्थ्यो । उहाँको तार्किक बुद्धि, तीक्ष्ण प्रतिभा र शास्त्रीय ज्ञानको गहिराइबाट सबै प्रभावित हुन्थे । सरल र शालीन व्यक्तित्वका धनी हिमकरजी प्रणामी समाजका एक विशिष्ट विद्वान्‌ हुनुहुन्थ्यो । उहाँको वाक पट्ता र शास्त्रीय विद्वताको कदर गर्दै उहाँलाई प्रणामी धर्मका गादीपति महाराजहरूबाट ‘शास्त्रार्थ महारथी’को उपाधिले विभूषित गरियो ।गुरुजी मङ्गलदासजीको सानिध्यमा रहेर अहोरात्र आध्यात्मिक चिन्तनमा लागी रहँदा उहाँ सुन झैं खारिनुभयो । धर्म प्रचारको शिलशिलामा उहाँले सिक्किम, आसाम, बंगाल, भूवन र नेपालको भ्रमण गर्नुभयो । मानिसहरूको दैलो दैलोमा पुगेर हिमकरजीले शुद्ध, सात्विक जीवन निर्वाह गरी आध्यात्मिक जीवन बिताउने शिक्षा दिनुभयो । मृदुभाषी पं. हिमकरको प्रवचनबाट जस्तै नास्तिक मानिस पनि प्रभावित हुन्थ्यो । उहाँ प्रणामी समाजका अमूल्य रल हुनुहुन्थ्यो ।

श्रीमंगलदास गुरुजीबाट प्रेरणा पाएर पं. हिमकरजीले पूर्वी नेपालको इन्द्रपुर-सलकपुरमा अनाथ बाल-बालिकाको लागि आश्रमको स्थापना गर्नुभयो । आश्रम सञ्चालन गर्न उहाँ आफै सक्रिय हुनुभयो । समाजसेवा र दीनदुःखीको सेवामा उहाँको समर्पण भाव अनुकरणीय छ, स्तुत्य छ। धार्मिक साहित्य पट्टि पनि पं. हिमकरजीको रुचि थियो । उहाँले ‘एकता विज्ञान वाटिका’ नामक पुस्तिका लेखेर आफैं प्रकाश गर्नुभयो । उहाँको योगदानको कदर गर्दै उहाँलाई “मंगल सम्मान’ र ‘शास्त्रार्थ महारथी’को पदबाट विभूषित गरियो । यस्ता होनहार र प्रणामी समाजका मूधर्न्य विद्वान्‌ वि.सं. २०५९ साल फागुन १ गते हामी सबैबाट ओझेल हुनुभयो । यसबाट प्रणामी समाजमा अपूरणीय क्षति हुन गएको छ।
Enable Notifications    Subscribe No thanks