August 29, 2021, Sun, 39:08:44
By पं. गुरुप्रसाद मैनाली, (SND)
खड्डगदास महाराज
खड्डगदास महाराज
Share on email
Share on print
Share on telegram
Share on pinterest
Share on facebook
Share on twitter
Share on whatsapp
खड्डगदास महाराज
खड्डगदास महाराज
By पं. गुरुप्रसाद मैनाली, (SND)
2021-08-28
खड्डगदास महाराज

Shree Navatan Dham (SND)

गोरो अनुहार निख्खर कालो र लामो कपाल तथा दाङही जुङ्गा पालेका, सधै प्रसन्न मुद्रामा रहने ;: साधु भेषका खड्गदास महाराज वि.सं. २०१३।०१४ तिर काठमाडौंमा देखा पर्नुभयो । उहाँ अन्य प्रणामी साधुभन्दा फरक स्वभावको हुनुहुन्थ्यो । तार्किक बुद्धिका धनी खड्गदास, देश, काल परिस्थिति अनुसार बोल्नु हुन्थ्यो । उहाँको जन्म वि.सं. १९७० तिर कालिम्पोङ्मा भएको थियो र उहाँ तिवारी थरका हुनुहुन्थ्यो । उहाँ दयालदास महाराजका चेला हुनुहुन्थ्यो । उहाँले भारतका प्रणामी धर्म पीठमा बसेर प्राणनाथ वाणीको अध्ययन गर्नुभएको बुझिन्छ । उहाँले व्यासासनमा बसेर पाठ परायण गरेको देखिएन । समयानुसार र मानिसको जमात अनुसार बोल्न सक्ने हुनाले उहाँको व्यक्तित्वबाट जो कोही पनि प्रभावित. हुन्थ्यो । उहाँ प्रायशः प्रणामीजनलाई धर्म र आचरण सम्बन्धी अर्ती उपदेश गर्दै परिश्रमण गरी रहनुहुन्थ्यो। उहाँ भन्नुहुन्थ्यो– “मानिसमा विवेकजन्य बुद्धि हुनुपर्दछ । पृथ्वीमा आदर्श जीवन जिउन त्यही विवेकजन्य . बुद्धिको प्रयोग गर्नुपर्दछ ।’

वि.सं. २०१५।०१६ साल तिर युगलदास महाराजले डिल्लीबजारमा मन्दिरको लागि किनेको घ सम्बन्धमा मुद्दा पर्दा खड्गदास त्यस मुद्दामा मुछिनुभयो । युगलदास महाराजको नाममा घरपास नगरी दिएर घरधनीले खड्गदासको नाममा पास गरी दिए । खड्गदासले त्यो मन्दिर घर युगलदासजीका नाममा नामसारी गरी दिन मान्नुभएन । पं. देवकृष्ण शास्त्रीले खड्गदासलाई अनेकौं प्रलोभन देखाएर बल्लतल्ल युगलदासजीको नाममा घरको नामसारी भयो । पछि श्रीकृष्ण प्रणामी सेवा समितिको नाममा त्यो घर पास हुनगयो । त्यो घटनाबाट खड्गदासको स्वच्छ छविमा केही आँच आयो । तर जेहोस्‌ आखिर धर्मको प्रचारकै लागि त्यो डिल्लीबजारको घर प्रयोगमा आयो ।

जीवनको उत्तरार्द्धमा खड्गदास महाराज काठमाडौं छोडेर चितवनतिर गै बस्नुभयो । आफ्नो जन्मस्थलबाट बेचबिखन गरेको धनराशि आएपछि उहाँले मकवानपुरको चिसापानीमा दोकान थापी व्यापार गर्नुभयो । त्यस व्यापारबाट उहाँलाई प्रशस्त लाभभयो । तर त्यो व्यापार उहाँले धेरै समय चलाउन पाउनु भएन । उहाँको अन्तिम अवस्था भइसकेको थियो । उहाँका चेलाहरूले अन्तिम समयमा उहाँको सेवा गरे । उहाँले यस धराधामको इहलीला वि.सं. २०४७ श्रावणमा संवरण गर्नुभयो ।
Enable Notifications    Subscribe No thanks